Իմ մասնակցությունը հեղինակային կրթական ծրագրի հեղինակների մայիսյան հավաքին:
Մայիսյան հավաքն ու ես, փաստորեն, հանդիպում ենք արդեն 17-րդ անգամ: Հիմա մենք հանդիպում ենք հին ծանոթների պես՝ ժպտում ենք միմյանց ու հեռանում՝ մյուս տարի կրկին հանդիպելու ցանկությամբ…
Այսքանը որպես նախաբան: Հիմա անցնենք այս տարվա կատարված գործին:
Ամփոփման-գնահատման-ներկայացման նախագծեր
Կլոր սեղանների, քննարկումների մասին
Սովորողների մի խմբի հետ մասնակցել ենք «Մայրենին կրթահամալիրում» Կլոր սեղանին։ Խնդրեմ՝
- Ուսումնական ամսագրերը՝ որպես խոսքի զարգացման միջոց-ներկայացրել է Աննա Հարությունյանը, 10-րդ դաս.
- Թարգմանությունը որպես մայրենիի գործնական ուսուցման միջոց-ներկայացրել է Անի Գրիգորյանը, 10-րդ դաս․
Բաց պարապմունքները եղել են երկուսը՝
- «Առաջարկում է կարդալ-քննարկել սովորողը» նախագիծ-միջանկյալ հաշվետվություն
- Գրականության բաց պարապմունքը Ավագ դպրոցում
Մասնակցել ենք նաև՝
«Դպիր» մանկավարժական հանդես
Շնորհակալ եմ իմ գործընկերներ Աշոտ Տիգրանյանին և Սվետա Ճաղարյանին։ Նրանց հետ ունեցած խոսակցություններից հետո ծնվեց «Հոգևոր Հայաստան. Ներսես Շնորհալի» հոդված գրելու և նախագիծ կազմելու միտքը:
Խոստովանեմ՝ Ներսես Շնորհալիով հիացած եմ եղել միշտ, այնքան, որ մինչև անգամ հասել եմ Կիլիկիայի Հռոմկլայի ամրոց, որպեսզի դույզն-ինչ հասկանամ, զգամ-հաղորդակից լինեմ Շնորհալուն, նրա ստեղծածին։ Միշտ ուզեցել-երազել եմ տեսնել տեղանքը, որտեղ ծնվել է չքնաղագույն այդ հոգևոր երգը՝ Առավոտ լուսո-ն։ Հիմա սա նայելիս՝ մտքում ասում եմ․ «Երանի իմ աչքերին, որ տեսել է այդ հրաշքը՝ Հռոմկլան»։ Շնորհակալ եմ նաև Ելենա Սարգսյանին՝ ճամփորդության համար։
Արդյունքների մասին՝ հաջորդիվ:
Սովորողների, դասավանդողների առաջարկած նախագծերի, նախաձեռնությունների մասին
Մասնակցել եմ Գրական ակումբի «Սահյանի հետ Որոտանի եզերքին» գրական ընթերցումներին: Հատկապես տպավորիչ էր Լոր գյուղի դպրոցականների և իմ գործընկերների սահյանական ընթերցումները գրողի տուն-թանգարանի բակում:
Հաջողությունների, ձեռքբերումների մասին
Կարևոր ձեռքբերում եմ համարում սովորողներին ընդառաջ գնալը և գրականության դասաժամերին նրանց առաջարկած գրական ստեղծագործությունները միասին կարդալ-քննարկելը։
Արդյունքում՝ ունեցանք այսպիսի հավես քննարկումների շարք։
Համերգներ, արշավներ, ճամփորդություններ
Սիրով մասնակցել եմ Վայոց Ձորի հայրենագիտական-կրթամշակութային արշավին և նույնքան սիրով՝ ներկա գտնվել Հարություն Թոփիկյանի «Սեբաստացիներ» ուսուցչական երգչախումբի հոբելյանական համերգին։
Այլ՝ դպրոցի ծրագրով կարևորվող աշխատանք
Աշխատում եմ պարտադիր վերապատրաստման դասընթացի մոդուլի վրա. բովանդակություն, կատարվող աշխատանքի նկարագրություն, ընթերցվող նյութեր, մշակումներ և այլն: Միով բանիվ՝ երեկոներս անցկացնում եմ Դպիր մանկավարժական հանդեսի հետ: Պիտի խոստովանեմ, որ չեմ դադարում զարմանալ և հիանալ մեր Դպիրով…
Լրացուցիչ կրթություն
Շնորհակալ եմ հետաքրքիր, սիրուն Մայիսյան հավաքի և ևս մեկ տարի միասին լինելու համար:
Հարգանքով՝ Նունե Մովսիսյան